KALIBO, Aklan— Maga-arangkada eon umpisa hin-aga adlaw it Lunes ro week-long celebration it National Correctional Consiousness Week (NACOCOW) 2022 it Bureau of Jail Management and Penology (BJMP)-Aklan.
Suno kay Jail Inspector Rolyn Malolos, Jail Warden it BJMP-Aklan nga raya hay dag-unan nga ginaselebrar kada ulihing dominggo it Oktobre sandig sa Proclamation No. 551 Series of 1995.
Ginataw-an sigon kara it mabahoe nga importansya ro mga aktibidad, kamaeayran ag kinamatarong it mga Persons Deprived of Liberty (PDL).//Kaangot kara, nagalunsar man sanda it nagkaeain-eain nga aktibidad sa bilog nga dominggo.
Samtang, ginpaathag ni SJO1 Redeemer Von Martinez, Unit Welfare Development Officer it BJM-Aklan District Jail Male Dormitory nga tuyo it selebrasyon nga pabaskugon ro awareness ag importansya it rehabilitation program sa sueod it mga presuhan bilang preparasyon it mga PDL sa andang paghilway.
Pila sa mga aktibidad nga ginpahaum it taeatapan hay ro motorcade kung siin may bisita man sanda halin sa Aklan Parol and Provision Office.
Kamana man nga ro mga BJMP personnel hay may pagahiwaton nga tree-palnting activity sa Bakhawan Eco-Park, Zumba activity, livelihood products kung siin iga-display ro mga produkto nga gina-ubra it mga PDL.
May una man nga BJMP got talent, Macho gay pageant, parlor games ag cultivating activity.
May kaangtanan kara, ginpaathag man ni JO2 Honey Grace J Martesano, Unit Welfare Development Officer-BJMP-Aklan District Jail Female Dormitory nga bangud waeo eamang ro babaye nga PDL hay joint celebration eon lang andang pagahimuon.
May igadugang eamang sigon sanda nga pilang aktibidad kapareho it laro ng lahi ag partisipasyon sa BJMP Got Talent.
Gintaw-an man kara it punto nga ro NACOCOW 2022 hay selebrasyon para sa tanan eabi eon sa mga corrections officer, volunteer ag advocate.
