Kalibo Aklan ——-Nagakinahangean sa gihapon ro lokal nga gobyerno it aklan it negatibong RT-PCR test result antes nga makasueod ro mga biyahero sa probinsiya.
Raya ro ginkasugtanan suno kay League of the Municipalities of the Philippines (LMP) Aklan Chapter President ag Ibajay Mayor Jo-en Miraflores sa ginpatigayon nga pueong it Provincial Inter-agency Task Force .
Gindugang pa kara nga ro swab test result hay dapat nga gin-isyu limang adlaw ukon 120 hours antes ro petsa it pagbiyahe .
Sa idaeum suno kana it IATF Resolution No. 101, bukon eon it required nga mag-quarantine ro biyahero mag-eowas eamang kon magapakita it sintomas pag-abot sa Aklan .
Owa eon man ginapangayuan it mga dokumento, kapareho it acceptance certificate sa gina-ulian nga lugar, travel authority halin sa Philippine National Police ag health certificate sa ginhalinan nga lugar.
Owa eon man suno kana it ginatawag nga mga Locally Stranded Individuals (LSI) ag Returning Overseas Filipino kundi puro travelers eon tanan .
Samtang, padayun sa gihapon ro pagpatuman it hugut nga minimum public health standards kapareho it physical distancing, pirmeng paghugas it alima, pagsuksok it face mask ag face shields.
Hugot man nga ginapatuman ro clinical ag exposure assessment sa tanan nga ports of entry ag exits, samtang ro health assessment it mga pasahero hay mandatory sa pagsueod sa port ukon terminal ag exit sa point of destination.
Dikara sigon gina-check kon peke ukon bukon ro ginabuytan nga negatibong swab tests.
Ro tanan nga mga ports and terminals hay kinahangean nga makaangkon it referral system kun sa siin ro mga biyaherong may sintomas hay puwedeng isaylo sa quarantine ukon isolation facilities.
Ro maga-asikaso sa mga raya hay ro Bureau of Quarantine sa mga paeuparan ukon Local Heath Officials para sa LGUs.
Ro mga Authorized Persons Outside of Residence (APORs)nga nagatrabaho sa gobyerno hay kinahangean nga magpakita it ID, travel order ag travel itinerary.
Kinahangean man nanda nga makapasa sa symptom-screening sa ports of entry ag exit.
Samtang, magiging epektibo suno kana ro bag-ong travel protocol sa Aklan sa oras nga makapaguwa it Executive Order si Governor Florencio Miraflores .
