Umapela si National Historical Commission of the Philippines (NHCP) Historic Sites Development Officer Eufemio Agbayani III sa mga politiko nga indi kunta masalaula ro mga national symbols sa kampanya para eang mag-itsurang makabayan ro mga ito.
Suno kay Agbayani sa panayam it Bombo Radyo, bukon man bawae magdaea it watawat ag iba pang sagisag it atong nasyon, basta dahanan sigon raya nga indi masamad ukon mahigkuan.
Hinyo man it NHCP nga isabuhay kunta it mga kandidato ro mga ginapromisang bulig ag malasakit sa bayan ag bukon eamang kada election period.
Maging sa mga okasyon sigon, indi kunta maghimo it tarpaulin nga mas mabahoe pa ro itsrua ag pangaean it kandidato kaysa sa minatuod nga okasyon. Kunta sigon hay perming isipon ro respeto sa atong mga bayani, respeto sa nasyon ag sa mga simbolong nagasimbolo sa atong pagka-Filipino.
