KALIBO, Aklan– Igalunsar eon it lokal nga gobyerno it Kalibo sa maabot nga buean it Hulyo ro No segregation, No collection policy.
Suno kay Adorada Reynaldo, public services officer III and MENRO designate it LGU Kalibo nga ro pagsegregate it basura ro yabe agud nga makontrol ro pag-inabo ag pagkalhit kara sa banwa it Kalibo.
Ginpahayag dugang nga halin sa adlaw it paglunsar it programa hasta sa buean it Setyembre hay ro information dessimination agud tanan hay makasayod nga may makarundaya nga program ro LGU.
Pagkatapos sigon kara hay ro striktong implementasyon it polisiya rason nga kinahang-ean nga nakasegregate gid ro mga basura antes nga kolektahon ag ikarga sa garbage truck
Ginpaathag ni Adorada nga nagapanguna eon ro nasyon pag-abot sa basura rason nga kinahang-ean nga maging responsable ro kada isaea ag umpisahan sa sueod it panimaeay ro segregation hasta nga makit-an raya it mga inonga ag pagasundon it ulihing henerasyon.
