Ginpatigayon eon ro pag gamit it traditional medicine sa North Korea para mapunggan ro pagkalhit it COVID-19.
Ginrekomenda it andang mga otoridad ro pag-inom it luya ukon ibang klase pa it mga herbal tea.
Sa pihak kara, pagmalimugmog it asin nga gintunaw sa maeaba-ab nga tubig ro sambilog man sa gin suhestiyon it mga otoridad nga paga-ubrahon it mga pomoeuyo.
Samtang, ro mga pasyente nga may grabe nga sintomas hay ginahambaean man nga mag-inom it painkillers kapareho it ibuprofen ag iba pang nagakaeain-eain nga antibiotics.
Ginakabig it World Health Organization (WHO) nga nagtaas ro kaso it COVID-19 sa North Korea bangud sa mahinang health system it nasyon.
Mataeopangdan nga owa ginbaton it North Korea ro tatlong milyong doses it Sinovac COVID-19 vaccine nga gintao it COVAX facility.
