Nagapabilin nga kalmado ro mga overseas Filipino workers sa Qatar kasunod it nagapadayon nga kinagamo sa tunga it Estados Unidos, Israel ag Iran.
Suno kay Bombo International News Correspondent Janelyn Sobron, nasaksihan nanda ro pag-eopad it mga missiles kon sa siin naintercept raya sa interspace it Qatar.
Uwa suno kana it bomb shelter ro mga panimaeay sa Qatar apang makabig nga mapag-on ag malig-on ro andang mga ginaistaran.
Gin-abisuhan sigon sanda it andang mga amo nga magpabilin eamang sa sueod it baeay ag inde magguwa kapin eon kon sigidas ro pag-alarm sa andang mga cellphone.
Dugang pa ni Sobron nga minutos eamang ro agwat it kada eopad it missiles kon sa siin mabatyagan ag mabatian gid nanda ro pagsabog kara sa kahawaan.
Sa makaron suno kana hay nagapabilin nga eowas ro mga OFW’s sa Qatar ag nagapabilin nga alerto sa anumang hitabo ag sitwasyon.
