Nakataeana nga igasuspendi it Overseas Workers Welfare Administration (OWWA) ro transportation ag accommodation assistance para sa mga returning Filipino workers epektibo sa Hunyo 1.
Ginpahayag man ni OWWA Administrator Hans Leo Cacdac, nga ro suspensyon ngara hay base sa desisyon it Inter-Agency Task Force on the Management of Emerging Infectious Diseases.
Suno pa kana, ro mga overseas Filipino workers (OFWs) nga sa distress area nga certified it Philippine Overseas Labor Offices (POLO) ukon authorized it OWWA airport officers ro pagataw-an it nasambit nga assistance.
Dugang pa kara it OWWA official nga igatao ro nasambit nga assistance kung ro OFWs hay kaibahan sa mga benepisaryo it repatriation program it gobyerno.
Padayon man nga magabaton it nasambit nga assistance ro mga partially vaccinated ukon bukon pa it bakunadong OFWs nga kinahangean magpaidaeom sa mandatory facility-based quarantine sa idaeom it IATF Resolution No. 159 (Series of 2022).
Samatang,sa sariling expenses ro andang magastos para sa transportation pauli sa andang mga probinsiya.
