KALIBO, Aklan—Padayun pang gina-imbestigahan it New York City Police Department ro natabo nga pag-atake sa sangka 74 anyos nga Pinay ko nagtaliwan nga adlaw it Miyerkules.
Suno kay Bombo International Correspondent Greg Aguilar it California, USA nga sangka African-American nga babaye ro umatake sa nasambit nga senior citizen.
Ro suspek hay nagapabilin nga at large apang ro insidente hay nabue-an it video.
Bangud kara, uman nga nagpagguwa it panibag-ong advisory ro Philippine Consul General sa New York para padumdumon ro mga Pinoy nga maging mas madahan eabi eon kun nagaguwa nga naga-isaeahanon sa siyudad kamana man nga ro mga senior citizen hay dapat may kaibahan.
Nasayuran nga nag-umpisa ro pag-eapnaag it hate crimes sa Amerika eabi eon sa mga Asyano sa pag-umpisa it pagpanaeasa it COVID-19 pandemic.
