Igapadayon it Pilipinas ro pag-export it raw sugar sa Estados Unidos sa masunod nga buean.
Ginatantyang ap-at nga dag-on eon ro nakataliwan kat ulihing magpatigayon ro Pilipinas it shipment sa Amerika, kasunod it naging hinyo it industry stakeholders.
Ginpahayag ni Sugar Regulatory Administration (SRA) administrator ag CEO Pablo Luis Azcona nga buean it Marso kat gin-anunsyo ni US Trade Representative (USTR) nga nagtaeana raya it 25,3000 metric tons raw value (MTRV) para sa Pilipinas para sa fiscal year 2024.
Ginapasugtan it MTRV allocation scheme it US government ro mga nasyon nga mag-export it ‘specified quantities’ ukon gintumod nga kaabuon it produkto sa “relatively low tariff.”
Ro plano nga mag-export hay igapatuman sa pinaagi it sangka sugar order nga nakataeanang desisyunan makaron nga buean.
Samtang sa pihak nga parte, plano it Pilipinas nga mag-import it 200,000 Metric Tons refined sugar antes matapos ro dag-on agud mapun-an ro ginaeauman nga supply gap ag siguraduhon ro pagiging malig-on it presyo it mga kalakal.
