NATIONAL News —- Gin-engganyo it Department of Health ro mga COVID-19 vaccination site sa nasyon nga padayunon ro andang operasyon maskin nga Semana Santa.
Suno kay Health Undersecretary Myrna Cabotaje, magapaguwa sanda it memorandum sa nagkaeain-eain nga DOH hospitals agud nga engganyuhon ro mga raya nga padayunon ro bakunahan sa Holy Week.
Sa pihak kara, ginklaru ni Cabotaje, chairperson man it National Vaccination Operations Center, naka-depende man raya sa mga local government unit.
Samtang, nag-apela si Health Undersecretary Maria Rosario Vergeire sa mga lider it simbahan nga likawan anay ro mga aktibidad nga pwedeng makapataas it paeag it taeapnan it COVID-19.
Raya ro panawagan ni Vergeire matapos nga uman nga ginpasugtan ro tradisyunal nga “pahalik” para sa mga deboto it poong Itom nga Nazareno sa Quaipo Church.
