KALIBO, Aklan—Ginaeauman ro pagbuhos it mga dumueuong nga mga turista sa nasyon halin sa “green” countries partikular sa sikat nga tourist destination nga isla it Boracay.
Apang pila sa mga requirements kara hay kinahangean nga ro turista hay fully vaccinated ag makasumite it negatibong RT-PCR test result, 72 oras antes ro andang pagbiyahe.
Ro mga turista halin sa target market it Boracay kapareho it mainland China, Taiwan, Japan, Indonesia, Hong Kong, India, ag United Arab Emirates hay pwede eon nga makabisita sa nasyon basta nga makasunod sa mga patakaran.
Ro bag-ong interim protocols it National Inter-Agency Task Force hay magiging epektibo sa Nobyembre 22.
Nasayuran nga eubusan nga naapektuhan ro ekonomiya it probinsiya it Aklan kat magtuhaw ro pandemya tuga it covid 19 bangud nga masyado raya nga nakadepende sa turismo sa Boracay.
Ginaeauman nga uman nga magabaskog ro aviation industry ag maabu nga iba pang mga tourism-dependent businesses matapos nga ginpasugtan eon ro global travel sa pilang pili nga nasyon nga may manaba nga kaso it deadly virus.
