KALIBO, Aklan — Ginaeauman nga makadugang sa tourist arrivals ro pormal nga pagbukas ko Martes, Setyembre 10 it sangka espesyal nga beach para sa mga Muslim nga magabakasyon sa Isla it Boracay.
Ro beach nga ginatawag nga “Marhaba Boracay,” hay ro kauna-unahan nga klase sa isla nga makit-an sa Boracay Newcoast.
Suno sa Department of Tourism (DOT) nga ro cove hay magiging bukas para sa “Muslim families and travelers”.
Ro paglunsar sigon it Marhaba Boracay hay sandig sa padayun nga pagtinguha it DOT sa idaeum it administrasyon ni Pangueong Ferdinand Marcos Jr., agud nga maduso ro Halal ag Muslim-friendly nga turismo sa Pilipinas.
Ro inisyatibo hay kasunod it magkasunod nga pagkilaea sa nasyon bilang sangka naga-umwad nga Muslim-friendly nga destinasyon sa mga bukon it OIC nga nasyon sa Mastercard-CrescentRating Global Muslim Travel Index 2023 ag 2024.
Ro proyekto hay gin-umpisahan it lokal nga gobyerno it Malay, DOT ag Megaworld Hotels & Resorts nga ginaeauman nga mas pang makapasaka sa tourist arrivals.
Ginpahayag it DOT nga ro cove hay naka-pattern halin sa iba pang ginadayo nga Muslim-friendly nga mga beach sa mga destinasyon it turismo kapareho it Maldives ag Thailand.
Raya hay sangka espesyal nga lugar nga pwedeng magamit it mga Muslim nga biyahero ag andang pamilya, kun sa siin ginataw-an it konsiderasyon ro mga laye it Islam.
