KALIBO, Aklan—Pabor ro sangka registered nurse sa bahin it Sydney, Australia sa posibilidad nga pagbuoe it mandatory nga pagsuksok it face mask sa mga open spaces sa Pilipinas.
Apang, kinahang-ean anay nga mabakunahan it booster shot ro 70 porsyento it mga pumueoyo antes raya ipatuman.
Suno kay Bombo International Correspondent Denmark Suede nga dapat gihapon ipabilin ro pagsuksok it face mask sa sueod it mga establisyemento, healthcare facility ukon pampublikong transportasyon.
Mag-euwas kara, kinahang-ean man nga pabaskugon anay it gobyerno ro andang stratetihiya eabi eon sa pag-engganyo sa publiko nga magbaton it bakuna.
Gintaw-an it punto ni Suede nga mabahoe nga bulig ro face mask para proteksyunan ro sangka tawo halin sa virus ag infection.
