Bilog nga pumueoyo it nasyon it South Korea ro nagbunyi sa kadungganan nga ginta-o it koponan matapos nga nakasueod sanda sa round of 16 sa nagapadayon nga FIFA World Cup 2022 sa nasyon it Qatar.
Suno kay Bombo International Correspondent Yumi Kim, todo suporta ro mga Koreans sa andang national football team halin sa umpisa bangud nga haeos tanan nakasubaybay sa kada hampang it koponan.
Ro hampang nga soccer sa South Korea ro pinaka main sports nanda kon siin sa elementarya pa eamang ro mga inonga hay nagahampang eon kara.
Uwa suno kana it duda ro pagkasueod it South Korea sa knock-out stage bangud nga raya ro nakahiligan nga hampang sa andang nasyon ag haeos tanan nga players it koponan hay may ikabuga.
Ginpahauman nanda it husto ro FIFA tournament ag maging ro South Korean government hay eubus ro kalipay sa bugae nga ginta-o it koponan.
