Ginsiguro it Palasyo it Malakanyang nga indi magbag-o ro isip ni Pangueong Ferdinand Marcos Jr. sa pagbalibad nga uman nga mag-anib ro Pilipinas sa International Criminal Court (ICC).
Raya hay sa pihak it ginbunyag ni dating PCSO General Manager ag retired Police Col. Royina Garma sa house quad committee nga ginataw-an it reward sigon ni dating Pangueong Rodrigo Duterte ro mga pulis sa bawat napapatay nga drug suspect sa idaeom it anang war on drugs.
Nagpanawagan man ro national union of peoples’ lawyers sa pangueo nga isumite sa ICC ro mga rebelasyon sa quadcom hearing, agud maiba raya sa case build-up kaangot sa crimes against humanity.
Samtang, ginpahayag ni Executive Sec. Lucas Bersamin nga indi gihapon magbalik sa ICC ro Pilipinas.
Ro rebelasyon ni Garma hay mabahoe nga twist eabi eun ag kilaea imaw nga maeapit sa dating Pangueo Rodrigo Duterte.
