Ginapausisa ni Pangueong Ferdinand Marcos Jr., kay incoming Department of Education Secretary Sonny Angara ro pinansiyal nga status it mga manugturo.
Uwa man direktang ginpahayag it Presidente kon raya hay ro posibleng pagtaas it sweldo it mga public school teachers.
Nauna eon nga ginpahayag it presidente nga importanteng maayos ro pinansiyal nga estado it mga manugturo agud nga mapakaon it maayos ro andang mga pamilya.
Ginpunto dugang it punong ehekutibo nga kon bukon it bastante ro ginakita it mga raya, bukon man it magiging epektibo ro andang pagturo bangud nga ginadumdom it mga raya ro andang mga pamilya.
Mag-eowas sa pinansiyal nga aspeto, magapaidaeom man ro mga manugturo sa mga re-training programs kapin eon ag madasig ro development sa mga bag-ong teknolohiya.
Gusto it Presidente nga maging eksperto ro mga manugturo sa mga bag-ong teknolohiya nga ginagamit makaron rason nga gusto nana nga makaangkon it bastante nga kasayuran sa pinaagi it pagpaidaeom sa mga training.
