Eubus eon nga naging layer o Republic Act 11997 ukon ro Kabalikat sa Pagtuturo Act matapos nga pirmahan ni Pangueong Ferdinand Marcos Jr.
Sa idaeom it Kabalikat sa Pagtuturo Act, pagahimuon nga P10,000 pesos kada dag-on ro teaching allowance it mga manugturo sa mga pampublikong eskwelahan.
Ro nasambit nga allowance hay pambakae it mga gamit, materyales ag mga gaeastuson it mga manugturo sa andang pagturo.
Nagtambong sa signing ceremony sa palasyo it Malakanyang sanday DepEd Spokesperson Michael Poa Senate President Chiz Escudero ag Speaker Martin Romualdez.
Sa school year 2025-2026 magiging epektibo ro nasambit nga laye.
Ginpahayag ni Pangueong Marcos Jr., nga ro nasambit nga laye hay makabuhin sa paeas-anon it mga manugturo.
May mga manugturo sigon nga pilang dekada eon nga nagahugot sa andang kaugalingong buesa para sa andang pambakae it mga materyales para sa classroom.