Mainit nga ginsug-aeaw it mga Pinoy sa Jakarta, Indonesia si Pangueong Ferdinand “Bongbong” Marcos Jr. nga nakipagkita sa Filipino community sa nasambit nga nasyon bilang kaparte It anang unang adlaw sa state visit na idto.
Mainit mang ginwelcome it mga Pinoy si Pangueong Marcos sa gin-organisa nandang event sa Fairmont Hotel nga sa kabisera it nasambit nga nasyon.
Ginpahayag it Pangueo ro kahaegahan it sakripisyo it mga OFW ag makabig nga prayoridad sigon sanda it anang administrasyon.
Ginsiguro man it Pangueo nga mas papabaskugon pa ro relasyon sa tunga it Indonesia ag Pilipinas.
Para man kay Department of Migrant Workers (DMW) chief Susan Ople, ro pakigkita ni Marcos sa Filipino community hay anang mga plano para siguruhon ro kaeuwasan it mga overseas Filipino workers.
Kaibahan eon kara ro automation it andang mga kontrata ag ro One Repatriation Command Center, maging it National Reintegration Program
