Panibag-ong oil price adjustment, pagaeauman sa masunod nga dominggo – DOE

Pahauman eon it mga kunsumidor ro panibag-ong dugang-bawas sa presyo it produktong petrolyo para sa masunod nga dominggo.

Suno sa oil indutry sources, magapatigayon it  P2 pesos asta it P3 pesos nga pagbawas  sa presyo it kada litro it diesel.

Apang may pagtaas man it P3.50 pesos asta P4.50 ro presyo it kada litro it gasolina.

Samtang ro kerosene hay posibleng magapabilin eamang sa presenteng presyuhan.

Suno sa  Department of Energy (DOE), ro pagtan-aw ngara hay sandig sa ap-at nga adlaw nga trading sa masunod nga dominggo.

Sa pihak nga parte, posible sa gihapon nga may mga nagakaeain-eain nga  ensaktong price adjustment it mga kompaniya it langis.