-- ADVERTISEMENT --
KALIBO, Aklan – Nagpaguwa it marching order si Pangueong Ferdinand Marcos Jr. kay Senador Sonny Angara bilang bag’ong sekretaryo it Department of Education (DepEd).
Ginhinyo ni Presidente kay Angara nga buligan nga mapamayad ro performance it nasyon sa Program for International Student Assessment (PISA) ag bag’uhon ro diskarte sa pagturo it history sa mga estudyante.
Sa anang pagpanguna, ginsiguro man it sekretaryo , nga tutukan nana ro pagbukas it school year ag nakikipag-coordinate eun sa anang ginabayluhan nga si Vice President Sara Duterte.
Sambilog si Angara sa mga kongresista nga una sa likod it enhanced basic education o K-12 program, nga presente nga ginaeksamina it DepEd.
