Padayon ro pagpabaskog it seguridad ag paghaom it Philippine Coast Guard (PCG) Boracay Sub Station para sa paeaabuton nga Semana Santa.
Suno kay Lt.JG Joeweskie Sarza, commander it PCG Boracay sub station, nagdeploy sanda it mga tawuhan sa bilog nga isla it Boracay para sa preparasyon sa Semana Santa. May nakastand-by man sigon nga mga rubber boat, RIB, ag high speed response boat nga nakatalaga sa isla.
Dugang pa ni Sarza, nga nag butang sanda it Malasakit Help Desk sa mga port para sa mga turista nga magakinahangean it dugang nga mga kasayuran.
Ginabueubanta man nga nagtaas ro tourist arrival sa isla makaron nga nagahilapit eon ro semana santa.
Samtang kun sa istoryang panyempo man sigon, sa makaron hay uwa pa it nadedetect ukon nababalitaan ro andang taeatapan nga may mga posibleng weather disturbances, apang kun may ma-detect man sigon hay dikato eon man maka-angkon it mga sea travel advisory ag notice to mariners.
Paathag dugang ni Sarza nga ginasiguro nanda nag naga-agi sa pre-departure inspection ro naga-panaw ag naga-abot nga mga saeakyang pandagat para sa seguridad it tanan.
Padumdum man nana sa mga naga-balak mag bisita ag mag-bakasyon sa isla nga unahon ro kaeuwasan ag likawan nga mag-inom kun gabyahe para maging alerto.
