KALIBO Aklan– Ginklaro ni Punong Barangay Daisy Andrade it Barangay Estancia nga legal ro operasyon it peryahan sa banwa it Kalibo.
Suno kana nga nag-agi sa barangay ro pagproseso kara ag nagboue it nagakaigong business permit bilang sambilog sa mga requirements para nga makaproceed it pagproseso sa munisipyo it banwa.
Makabig sigon nga renewal ro natabo kasunod it natapos ro naunang permit kara ko nagtaliwan nga buean it Marso.
Ginpahayag dugang nga ro pagduso nga makaangkon sa uman it peryahan sa banwa it Kalibo hay para nga makatao it kalingawan sa mga pumueuyo kasunod it nagahilapit nga kapyestahan ni San Juan Bautista.
Ro nasambit nga permit hay magabuhay ro gahom antes matapos ro buean it Hunyo.
Angot kara, nagaeaum man si Punong Barangay Andrade nga maigapabilin ro peace and order sa lugar agud nga malikawan man ro mga kinagamo ag pag-eontad it mga reklamo