BALITANG Espesyal —- Sangka 1,229 year old pub ukon baeay-ilimnan sa Great Britain ro nagsarado bangud sa problemang pinansyal nga tuga it COVID-19 pandemic.
Gin-anunsyo sa official Facebook page it Ye Olde Fighting Cocks pub nga permanently closed eon ro andang establisimento bangud nga indi eon masarangan ro financial difficulties nga ginpa-grabe it pandemya.
Makit-an ro Ye Olde Fighting Cocks pub sa St. Albans, England.
Suno sa official website, nag-umpisa raya nga maging baeay ilimnan kato pang Year 793 rason nga ginakilaea raya nga pinakamagueang nga pub sa Great Britain.
Suno sa sangka news article, Mitchell’s & Butlers, sangka brewery, ro bag-ong nagapanag-iya it building kun sa siin nakatindog ro pub.
Suno sa nasambit nga brewery, may posibilidad nga ibalik nanda ro pub sa masunod nga mga dinag-on .
