Napas-eawan ro Pinay tennis star nga si Alex Eala sa semifinals bid sa ASB Classic matapos pyerdihon ni Wang Xinyu it China.
Sa andang hampang, nakabawi si Eala halin sa mahinay nga umpisa ag naangkon ro unang set apang nagpangibabaw si Wang sa ulihing daywang set.
Natapos ro hampang sa score nga 7-5, 5-7, 4-6 pabor kay Wang.
Bangud kara, si Wang ro umabante sa finals kon sa siin makaengkwentro nana si Elina Svitolina it Ukraine ukon si Iva Jovic it USA.
Para kay Eala, raya ro unang torneo makaron nga 2026 matapos ro madinaeag-on nga 2025 season kon sa siin nakasueod imaw sa Women’s Tennis Association Top 100 ag nagdaog it unang WTA 125 title.
Maskin nga uwa nakasueod sa finals, ginpakita ni Eala ro anang kamayad ag determinasyon kontra sa mas mataas nga ranggong kontra sa Women’s Tennis Association.
