KALIBO, Aklan—Kapin sa pito ka mga indibidwal ro naging biktima it paeopok sa pagsug-aeaw it bag-ong dag-on.
Base sa datos maghalin sa Aklan Provincial Hospital, haeos tanan nga mga biktima hay mga kaeaeakin-an ag una eon sa legal nga edad.
Nakaangkon ro mga raya it lastro sa paead, tudlo ag iba pang parte it eawas nga kaeabanan hay tinamaan it paeopok nga kwitis.
Nauna eon nga ginpaidaeom sa code white alert it Department of Health ro tanan nga ospital agud nga maasistihan insigida ro mga indibidwal nga matamaan it paeopok.
Sa kada pagsug-aeaw it bag-ong dag-on, nakaangdan it Pinoy nga gumamit it paeopok bilang pampasangag nga sambilog sa tradisyon it mga Pilipino.
Apang, ro iba hay ginaabuso ro nasambit nga kahilwayan bangud sa nagapaeopok sanda nga una sa idaeom it impluwensya it aeak nga nagiging rason it andang pagkadisgrasya.
