BALITANG Espesyal — Ro Pizza-La hay sangka local pizza restaurant sa Japan nga nakikipagsabayan sa mga sikat nga international pizza chains idtu.
Kan-o eamang, nakipag-partner sanda sa Comif Deli, sangka food company nga nagahimo it pagkaon nga puwede sa tawo ag pwede man nga ipakaon sa mga pets bangud nga gentle raya sa digestive system it mga ayam.
Bangud sa nasambit nga partnership, nabilog ro Wanko Pizza Teriyaki Chicken.
Raya hay 6-inch pizza nga may teriyaki chicken, corn, mushrooms ag seaweed strips.
Ro dough it pizza hay may nakahalong chicken agud nga maging malasa para sa mga ayam.
Nagabalor it 800 yen ro sangka pizza ag gina deliver raya nga frozen pa.
Makadali eamang raya nga ginapainit sa microwave agud nga indi mapaso ro ayam nga magakaon kara .
Suno sa sangka survey it Japan Pet Food Association ko 2020, nagtaas it 15% ro mga tawo sa Japan nga nakaangkon it alagang sapat bangud sa pandemic.
May estimate nga kapin sa 8.49 million ro kaabuon it mga alagang ayam sa bilog nga Japan rason nga bukon it makangawa-ngawa nga pati mga food companies nga dati hay pagkan eamang it tawo ro gina-manufacture hay nagabaligya man it pagkaon para sa mga pets.
