KALIBO, Aklan – Padayon pa gihapon ro ginahimo nga kampanya it Police Regional Office VI kontra sa mga illegal gambling kapareho it pagkontra sa mga iba pang illegal nga hilumuon.
Pahayag ni PLtCol. Arnel Solis, spokesperson it Police Regional Office VI nga ginatutukan sigon it mga poilice personnel ro mga makaraya nga butang sa andang tagsa ka mga lugar dugang pa nga ginamonitor it PRO VI ro mga accomplishments.
Samtang, habaton eun man it mga kapulisan ro andang performace-based bonus halin pa ku July 5 kun siin nga ginabasehan ro mga kabilugan nga performance it Philippine National Police halin sa collective efforts it tanan nga unit.
Masayuran nga magabaton man it PBB ro mga pulis nga may anomaliya apang uwa pa hapasakaan it kaso ku dag-ong 2022 bangud sanda ra hay innocent unless proven guilty, disqualified man ro mga suspended ku 2022, dapat nakaserve sa sueod it 6 months ag nagapadayon sa pagserbisyo.
Sa pihak nga parte, uwa pa man it sugo kun may maga-adto ukon ipadaea nga mga katapo it kapulisan para sa State of the Nation Address it pangueo.
Ginapanghugtan man sigon nanda ro andang mga tikang kontra sa mga krimen ukon indibidwal nga magahimo it bukon it manami.
