May una eon nga lead ro Presidential Anti-Organized Crime Commission (PAOCC) angot sa mga source nga nag-leak sigon sa planong raid ukon paghaeoghog sa Philippine Offshore Gaming Operator (POGO) hub it Lucky South 99 sa Porac, Pampanga.
Ginpahayag ni PAOCC spokesperson Winston Casio nga sa nakataliwan nga tatlong adlaw hay may una eon sandang nabuoe nga leads.
Nauna eon nga ginpaguwa it PAOCC official ro posibilidad nga nakaangkon it leakage sa andang plano matapos nga matsa natiktikan ro andang operasyon sa nasambit nga POGO hub bangud nga nakapaeagyo ro pila sa mga salarin ag kapin sa 158 nga dumueoong eamang ro narescue, maeayo sa ginapatihan nga 1,000 dumueoong nga nagatrabaho sa nasambit nga offshore gaming nga eakot sa mga ilegal nga hilimuon.
Dugang ni Casio nga makikipag-angot ro anti-crime body sa iba pang ahensiya nga eakot sa Philippine Offshore Gaming Operators raid para ibulgar ro andang ginabuytan nga lead sa adlaw it Lunes.
