KALIBO, AKlan—Sa pihak it sigidas nga pagtinaas ko presyo it sibuyas sa merkado publiko, maabo gihapon ro nagabakae kara bangud nga raya ro nagapangunang sangkap sa mga ginaeaha adlaw-adlaw.
Suno sa negosyante nga si Giselle Cortes sa Kalibo public market, ro lokal nga sibuyas hay mabakae sa presyo nga P600 pesos kada kilo ukon P4,900 pesos kada bag nga ginakaeakipan it napueong kilo.
Samtang, ro sibuyas taal hay mabakae sa presyo nga P400 pesos kada kilo ukon P3,200 pesos kada bag.
Ginpaathag ni Cortes nga uwa gid nagapanaba ro andang supplier nga maghalin pa sa divisoria ro andang supply it sibuyas rason nga nagapatong man sanda sa presyo agud nga makabawi sa andang kapital.
Nagapati ro negosyante nga maabo ro supply it sibuyas apang gina-hoard raya it ibang negosyante sa Metro Manila.
Posibleng abuton pa hasta sa buean it Pebrero ro makarundaya nga presyo bangud nga sa nasambitang buean pa ro harvest season it sibuyas sa mga taeamnan nga makit-an iya sa nasyon.
Sa pihak kara, nagahueag gihapon sigon ro andang baligya ag madali eamang maubos kon ikumpara sa mga tinuean-on nga andang iba pang ginabaligya sa andang pwesto sa nasambit nga merkado.
Nagapati ro negosyante nga maabo ro supply it sibuyas apang gina-hoard raya it ibang negosyante sa Metro Manila.
Posibleng abuton pa hasta sa buean it Pebrero ro makarundaya nga presyo bangud nga sa nasambitang buean pa ro harvest season it sibuyas sa mga taeamnan nga makit-an iya sa nasyon.
Sa pihak kara, nagahueag gihapon sigon ro andang baligya ag madali eamang maubos kon ikumpara sa mga tinuean-on nga andang iba pang ginabaligya sa andang pwesto sa nasambit nga merkado.
