KALIBO, Aklan—Naging kaparte ro probinsya it Aklan sa madinaeag-on nga Cruise Travel Tourism and Maritime Careers Convention 2024 nga ginpatigayon sa SMX Convention Center sa Pasay City.
Nasayuran nga ro probinsya kaeakip ro isla it Boracay hay sambilog sa mga naging sentro it cruise tourism sa Pilipinas bangud sa madinaeag-on nga cruise reception halin pa ko dag-on 2012.
Sa naging diskurso ni Aklan governor Jose Enrique Miraflores, ginpaabot nana sa mga maeagkong cruise companies ag mga government agencies nga nag-atendir sa event ro interes it gobyerno probinsyal nga magbaton pa it maabong cruise ship sa Isla it Boracay.
Mag-eowas kara, ginpresentar man it gobernador ro mga plano ag proyekto nga ginapahauman para sa mas manami pang reception it cruise ship kaibahan ro development it cruise port sa Alegria, Buruanga.
Ginaeauman nga makaangkon it employment opportunities para sa mga seaman ag cruise ship personnel nga sambilog sa mabahoe nga ginatan aw nga pwedeng maging trabaho it mga Akeanon.
Presente man sa event sanday Senator Cynthia Villar; Secretary Christina Garcia Frasco it Department of Tourism ag Malay Mayor Frolibar Bautista.
