KALIBO,Aklan– Ginklaru it barangay council it Pook, Kalibo nga dere-deretso ro andang ginahimo nga paglimpyo sa padayun nga gina develop nga Pook port.
Raya hay kasunod it reklamo it pilang mga nagabisita nga basura ro kaeabanan nga nagasub-eang kanda sa andang pagpamasyar sa lugar.
Nagakalhit sigon ro mga nagkaeain-eain nga basura kun sa siin ro iba hay nagaeutaw-eutaw sa baybay kapareho it mga plastic cup, styro, barbeque stick, ag maabu nga iba pa.
Suno kay Punong Barangay Ludy Pinos it Pook,Kalibo nga sa kamatuoran kada Sabado ag Domingo ukon may bakante sanda nga oras hay nagabueuligan sanda ag ginapangunahan ro clean-up operation.
Apang aminado imaw nga may mga iresponsable nga indibidwal nga nagadayo sa lugar nga nagapilak it basura maskin siin maskin nga maabu man ro andang mga gintaeana nga basurahan sa lugar.
Angot kara, nagpaandam man imaw sa mga vendors nga engkaso nga mapas-eawan nga magkooperar sa paglimpyo hay posibleng mapahalin sa lugar.
May gin-file man sigon sanda nga resolusyon nga magapapanaog it penalidad sa sin-o man nga madakpan nga nagakalhit it basura apang owa pa raya naaprubahan it sangguniang bayan.
Mag-eowas kara, nag promisa man sigon si Kalibo mayor Juris Sucro nga magataeana it daywang job order nga magatutok sa paglimpyo.
Nagpanawagan man si Kapitan Pinos sa publiko nga ipilak sa tamang bueutangan ukon lugar ro andang mga basura
