Ginpaabot it Provincial Youth Development Office ukon PYDO-Aklan nga sa kabilugan nga 327 nga barangay sa probinsiya it Aklan hay 256 eon ro fully compliant ukon nakasumite it Sangguniang Kabataan reports sa SK Web Portal Complianace.
Kadungan kara, ginpadumdum ni Janica Anne dela Pena it PYDO Aklan nga ro deadline kara hay sa maabot nga Marso 31 it makaron nga dag-on.
Tuyo kara nga masiguro ro transparency sa youth governance ag ro nagakaigo nga monitoring it youth initiatives sa mga kabarangayan.
Raya hay kaparte sigon it Fiscal year 2025 Monitoring & Evaluation. Sa idaeum it Republic Act No. 10742 ukon ro Sangguniang Kabataan Reform Act, gina-require ro mga SK Councils nga i-dokumento ag isumite ro andang mga programa, projects, ag polisiya nga ginpatuman pinaagi sa nasambit nga portal.
Samtang, gin engganyo ni dela Pena ro iba pang mga barangay nga umpisahan eon ro andang submissions agud nga makasigurado nga maabot ro 100% compliance it probinsiya.
Ro mga SK officials nga owa pa naumpisahan ro andang reports hay gina engganyo nga makipag coordinate sa andang natungdan nga Local Youth Development Office ukon magpangayo it bulig sa andang taeatapan.
Nagpanindugan imaw nga aktibo ro mga SK sa probinsiya rason nga indi dapat sanda nga i-bash .
