KALIBO, Aklan–Bukon pa it tiyempo agud nga i-regulate ro paggamit it electronic bikes ukon e-bikes sa banwa it Kalibo bangud nga sangkiri pa eamang ro nagagamit kara.
Raya ro pagpati ni Sangguniang Bayan member Matt Aaron Guzman bilang chairman it committee on transportation.
Raya hay kasunod it paandam it Land Transportation Office ukon LTO sa pagsoepotan it mga e-bike nga owa it rehistro ag ginamaneho it mga driver nga owa it lisensya.
Engkso suno kana nga makaangkon eon it laye nga maga-obliga sa mga nagagamit it e-bike nga magbo-oe it lisensiya ag registration hay owa sanda it mahimo kundi nga ipatuman.
Ginaduso suno kana ro pag-regulate it mga e-bike, e-scooters, e-trike ag iba pa sa metro manila bangud sa pagtaas it mga aksidente nga ginaeakutan it mga raya.
Angot kara, ginpahayag ni Guzman nga mayad nga alternatibong transportasyon ro e-bike makaron nga sigidas ro pagtinaas it presyo it mga produktong petrolyo.
Kinahangean eamang sigon kara ro dobleng pagdahan eabi eon kon naga-agi sa mga national highways.
