KALIBO, Aklan—Kapin sa P5 milyon pesos ro gintaeana nga pondo it lokal nga gobyerno it Kalibo para sa kompletong rehabilitasyon ag widening it karsadahon nga sakop it Sitio Libtong, Brgy. Estancia hasta sa Brgy. Tinigaw, Kalibo.
Raya hay pinaagi sa sangka resolusyon nga gindihon sa sangguniang bayan it Kalibo.
Suno kay SB member Augusto Tolentino nga ro pondo hay naghalin sa taeatapan ni Aklan 1st district congressman Carlito Marquez.
Nasayuran nga ro lugar hay kaeabanan nga gina agihan it mga motorista bilang alternatibong daean agud nga makalikaw sa gutok nga trapiko eabi eon kon rush hour.
Agud nga maging masoehay ro pag-agi sa lugar hay ginaduso ro pag-rehabilitate ag pagpaead sa karsada.
Ginareklamo it mga motorista ag residente sa lugar ro lubak lubak nga daeanon nga nagatuga it stagnant water kon makaangkon it mga pag-uean.
