KALIBO, Aklan—Bangud sa kawad-an it Obispo it Diocese of Kalibo, igapatigayon ro renewal of priestly vows it mga kaparian sa bilog nga probinsiya it Aklan sa Martes Santo imbes nga Huwebes Santo sa St. John The Baptist Cathedral.
Raya ro ginpahayag ni Fr. Jude Rebaldo, kora paroko it St. Isidore The Farmer Church sa banwa it Nabas.
Suno kana nga tradisyunal raya nga ginapatigayon kada Chrism Mass sa agahon it Huwebes Santo ukon Holy Thursday kaibahan ro Obispo.
Raya hay kahigayunan nga nagatililipon ro mga pari agud nga uman nga nga magapanumpa nga maging tampad sa pagserbisyo sa Diyos ag sa Simbahan.
Nagapakita man sigon raya it pagbuylog it mga pari sa andang Obispo ag ro andang panibag-ong dedikasyon sa pagpa-eapta it pamisaea it Diyos.
Ro ritwal hay kaeabanan man suno kana nga ginatawag nga “Priest Day” ukon kapistahan it mga pari nga nagakatabu kada Agosto 4 it dag-on, apang ro opisyal nga liturgical renewal hay nagapabilin sa Chrism Mass.
Sa raya nga tiempo hay nagabaton it mga regalo ag pagkaon ro mga kaparian.
