KALIBO, Aklan — Patay ro sangka rider ag ku anang angkas nga kainuman kat mahueog sa estaka ukon revetment wall ro ginasakyan nandang motorsiklo sa Barangay Poblacion, Libacao, Aklan.
Gin kilaea ni PO3 Rolly Zubiaga it Libacao Police Station ro mga biktimang sanday Dionel Zonio, 20, residente it Barangay Guadalupe ag Leonardo Invina, 18, it Barangay Julita sa nasambitang banwa.
Base sa imbestigasyon it mga otoridad, nag-inuman anay ro daywa sa punta nga parte it estaka ag kat mahilong hay na-tripingan nga umagi sa ibabaw kara apang, naduea-an it kontrol si Invina hasta sa madanlog ag mahueog sa revetment wall nga may daeom nga 8 hasta sa 10 piye ro kataason.
Suno kay PO3 Zubiaga nga accident prone ro lugar ag hugot nga gina bawae ro pag agi dikara it mga naka-motorsiklo.
