Nagpaandam si Russian President Vladimir Putin sa posibleng pagtao it Russia it long-range weapon sa ibang nasyon para atakihon ro western targets.
Raya hay bilang sabat sa mga kaalyado it western nga NATO nga nagapasugot sa Ukraine nga gumamit it andang mga armas para salakayon ro teritoryo it Russia.
Nagpanindugan man ro Russian President sa kahauman it Moscow nga gumamit it nuclear weapons kon makita nandang may paeag sa andang soberanya.
Dugang pa it Russian president nga ro aksiyon it West ko kan-o eamang hay nagasamad sa pangkalibutanong seguridad ag pwedeng umabot sa seryosong problema.
Magasenyales sigon raya it direktang pagkadaeahig it West sa giyera kontra sa Russian Federation ag haom sigon sandang maghueag sa parehong pamaagi.
Madumduman nga ginpasugtan it Estados Unidos ag Germany ro Ukraine nga tamaan ro pilang targets kara sa Russia gamit ro long-range weapons nga andang gintao sa Kyiv.
