Eubos ro kalipay nga nabatyagan it sangka Aklanon nga manugturo matapos nga mag-top 1 sa Fisheries Licensure Examination.
Suno kay John Rey Fortu Rasgo nga owa naging madali ro anang gin-agyan bangud limitado eamang ro anang oras sa pag-review.
Aminado man imaw nga malisod dunganon ro pagturo ag pagreview para sa eksaminasyon.
Haeos sang buean eamang sigon ro anang naging preparasyon rason nga grabeng kasadya ro anang nabatyagan matapos masayuran nga top notcher imaw sa exam.
Naging inspirasyon sigon nana sa pagbuoe it kursong fisheries ro anang ama nga sangka manugturo sa Romblon State University.
Si Rasgo hay nag-graduate sa University of the Philippine (UP) Visayas ko Hulyo 2022.
Presente imaw nga nagaturo sa Sorsogon State University.
Plano ni Rasgo nga paeawigon ro anang kasayuran para maabot ro anang handom nga maging sangka marine scientist.
