-- ADVERTISEMENT --
KALIBO, Aklan—Arestado ro sangka babaye matapos nga madakpan sa hana nga pagpaeusot it 84 ka pack nga tetra juice sa sangka grocery store nga nahamtang sa Dr. Gonzales St., Brgy. Poblacion, Kalibo.
Ginkilaea ro suspek nga si Rowela Alvarez, 36-anyos ag residente it Purok Pag-asa Alijis, Bacolod City.
Base sa report, diretso nga nagsueod sa nasambit nga establisyimento ro suspek kon siin madasig kara nga ginpangbueo ro tetra pack juice ag dali-dali kunta nga maguwa.
Apang, nataeopangdan raya it sales lady rason nga naharang it gwardya.
Kapin sa P1,575 pesos ro haega it anang mga nasikwat.
-- ADVERTISEMENT --
Sa makaron si Alvarez hay una eon sa kustudiya it Kalibo PNP para sa nagakaigong disposisyon.
