-- ADVERTISEMENT --
Hugot nga ginpamalibaran it drug suspek nga si Joel Tan, 54-anyos it Brgy. Pook, Kalibo nga ana ro mga sachet it illegal nga droga nga narekober sa anang posisyon ag kontrol sa ginpatigayon nga drug buy-bust operation it pulisya.
Suno kana, gin buy-bust imaw bangud sa mga sugid-sugid it mga tawo sa libot apang sa kamatuoran hay uwa imaw gaduso it illegal nga droga.
Malimpyo sigon ro box nga naboe-an it droga ag posible sigon nga ginbutang eamang dato it uwa makilaea nga persona.
Ginadudahan kara nga may nakasueod nga ibang tawo sa andang panimaeay nga imaw ro responsable sa nasambit nga illegal nga kontrabando.
