KALIBO, Aklan–Euwas nga na-rescue it Philippine Coast Guard (PCG)-Aklan ro sangka persona matapos nga anuron it mabaskog nga sueog it tubi samtang nagapaligos sa baybayon nga sakop it Brgy. Yapak sa isla it Boracay ko adlaw it Dominggo.
Nakilaea ro biktima nga si Richard Yonde, 40-anyos, residente it Metro Manila.
Suno Dominador Salvino, Deputy Station Commander it Coast Guard Aklan nga nabaton nanda ro report bandang alas-1:30 it hapon kung siin insigida sanda nga nag-adto sa area para magpatigayun it search and rescue operation.
Nagbuhay suno kana it daywang oras ro andang pag-usoy antes nakita ro biktima samtang nagapaeutaw-eutaw sa tunga it Boracay ag Carabao island.
Inisgida man nga gindaea sa ospital ro biktima para sa nagakaigo nga medikasyon.
Sa makaron hay una eon raya sa maayos nga kahimtangan.
