Bangud sa sangkiri nga supply rason nga nagapabilin nga mataas ro presyo it sibuyas sa mga merkado publiko.
Ginpahayag ni Josephine Geroy, stall owner sa Kalibo Public Market nga masyadong makuli ro supply makaron it sibuyas kumpara sa ibang panakot ag tinuean-on rason nga apektado ro presyo kara.
Halin sigon sa dating P260 hay naging P280 eon ro presyo it kada kilo makaron it sibuyas.
Apang, posible pa sigon nga magtaas ro retail price bangud kinahang-ean man magpatong it pilang retailer nga naga-angkat kanda it sibuyas.
Mag-euwas sa kakueangan it suplay, sambilog pa sa ginapatihan nga rason it pagmahae hay ro owa pagpasugot it gobyerno nga mag-angkat it imported onions.
Ginaeauman nga magabarato ro presyo it sibuyas pag-abot it Enero hasta Marso bangud sa harvest season.
Samtang, owa man it masyadong paghueag sa presyo it iba pang panakot kapareho it bawang ag kamatis.
