KALIBO, Aklan—Ginpaabot it pamunuan it St. John The Baptist Cathedral nga hasta alas-5:15 makaron nga hapon hay may naka-schedule pa sanda nga misa angot sa selebrasyon it Ash Wednesday ukon Miyerkules de Ceniza.
Suno kay Fr. Jerome Velarde nga ro misa hay gin-umpisahan alas-6 hasta alas 8 kaina it agahon ag ginsundan it alas-12 it udtro adlaw.
Raya hay mag-eowas pa sa mga misa nga ginapatigayon sa kada barangay chapel ag pilang mga eskwelahan.
Samtang, gin engganyo man nana ro tanan nga magbalik sa sabak it Diyos pinaagi sa confession nga naka-schedule bandang alas-4 hasta alas-5 it hapon.
Ginpaathag nana nga ro pagpatigayon it Ash Wednesday ukon ro tradisyunal nga pagpahid it abo sa dahi hay senyales it pag-umpisa it tiempo it kuwaresma para sa mga Katoliko nga magatapos sa Holy week sa ikatlong domingo it abril para sa makaron nga dag-on.
