School Principal I it Bacan National High School, pabor sa planong uman nga pagbalik it mandatory ROTC

KALIBO, Aklan–Pabor si Judith Moriente Obrique, School Principal I it Bacan National High School sa plano it gobyerno nga uman nga pagbalik it mandatory ROTC sa mga eskwelahan.

Suno kana, sangka manami raya nga ediya ag makabulig sa mga unga para maging disiplinado.

Base sa anang personal nga eksperyensya, manami sigon ro katuyuan it ROTC apang naabuso eamang raya it mga nagadumaea ko mga nagtaliwan nga tyempo.

Ginpahayag pa kara nga haum ro andang eskwelahan engkaso nga eubusan raya nga ibalik.

Maeapad sigon ro andang school ground para sa pagpatigayun it ROTC.