KALIBO, Aklan – Pagsaysay ni Joey Marabe, PAMALAKAYA, Provincial Coordinator of Zambales nga naga-eayag ro daywang magmanghod nga mangingisda sa 13 nautical miles sa may bahin it kaeawran it Subic, Zambales antes ginbungguan ro andang baroto.
Angot kara, ginklaro man ni Marabe ag ku sambilog nga narescue nga mangingisda nga uwa natumod ro vessel nga nakabunggo sa nasambitan nga mga biktima bangud sa madasig nga hitabo.
Hasta sa makaron uwa pa nakita ro sambilog bangud man sa kabasukugon it hangin ag daeogdog apang nagahimo man sanda mismo it search and rescue eain pa sa ginahimo it Philippine Coast Guard ag iba pang ahensiya.
Samtang, narescue ro sambilog bangud nga sa anang direksyon nga haadtunan hay may mga mangingisda man sigon eagi.
Samtang, ro nasambitan nga bahin sigon hay sueodlon it mga barko nga pang-negosyo.
Pahayag ni Marabe nga color coding man ro mga barko sa Pilipinas ngani mahimo uwa napan-uhan ro andang baroto nga kulay blue man ukon kakulay it tubi sa eawod.
Bangud kara, gusto sigon nanda ipaabot ro Maritime Safety sa tanan nga naga-eayag.
