KALIBO, Aklan–Naging matawhay ro pagsug-aeaw it bag-ong dag-on sa mainland Malay ag isla it Boracay.
Raya hay base sa initial assessment it Coast Guard Station (CGS)-Aklan) makaron nga Enero 1, 2023.
Suno kay ENSIGN Eulogio Quinto III, Deputy Commander for Administration it CGS-Aklan nga gindeploy nanda ro andang mga floating assets kahapon para magpatigayun it seaborne patrol operation sa isla it Boracay.
Tuyo kara nga masiguro ro kaeuwasan it mga turista nga mas ginpili nga iselebrar ro bag-ong dag-on sa isla ag malikawan ro anumang insidente.
Nasayuran nga bumuhos ro parehong local ag foreign turist sa Boracay makaron nga holiday season.
Mag-euwas kara, padayun man nga naka-alerto ro andang ginplastar nga passenger assistance center para sa mga pasahero nga pasueod ag pagguwa it probinsya.
Halin sigon ko Paskwa hay naka-intensify eon ro andang deployement nga magabuhay hasta Enero 7.
Samtang, ginpasiguro man kara nga magapadayun sanda sa pagtao it serbisyo ag pagbantay maskin sa pagtapos it mga selebrasyon.
