Ginpamalibaran ni Senator Risa Hontiveros ro nagakalat online nga edited nga litrato nana kaibahan ro ginapahalin nga si dating Bamban Mayor Alice Gou.
Sa anang online accounts, ginapahayag it Senadora nga uwa imaw it amiga nga pekeng Pilipino ag ginpaandaman man ro publiko nga mag-ingat sa mga edited nga litrato online nga nagapakita nga magkaibahan sigon sanda ag mag-abyan ni Alice Gou bangud raya sigon hay peke.
Suno man kay Sen. Hontiveros nga anang sayuron ro sa likod it nagapakalat it nasambitan nga litrato.
Nagpanawagan man ro mambabatas sa social media platforms nga i-moderate ro paggamit it AI content.
Matatandaan nga ro komite ni Senator Risa Hontiveros ro nanguna sa imbestigasyon sa pagkadawit it dating alkalde sa ginsalakay nga POGO hub sa Bamban, Tarlac.
