Hugut nga ginpamalibaran ni Senator Jinggoy Estrada ro alegasyon it dating Bulacan assistant engineer nga si Brice Hernandez nga eakot imaw sa iregularidad sa flood control projects.
Hangkat nana nga pareho sanda nga magpaidaeum sa lie detector test sa atubang it publiko para masayuran it tanan kon sin-o ro nagahambae it matuod.
Dugang pa it senador nga haum imaw nga pamatud-an nga puro kapurilan ro mga ginahambae ni Hernandez kontra kana.
Nauna eon nga ginpahayag ni Hernandez sa House Infrastructure Committee nga parehong sanday Estrada ag Senator Joel Villanueva hay nadaeahig sa mga kuwestiyonableng flood control projects.
Madumduman nga ginpa-cite in contempt it mga senador si Hernandez kahapon nga adlaw it Lunes matapos raya nga magpamalibad nga akuon kun siin nagahalin ro kwartang ginagamit nana sa casino.
