Balik eon sa dati ro sitwasyon sa Bangkok, Thailand matapos madaeasa it magnitude 7.7 nga linog ku nagtaliwan nga Marso 28.
Suno kay Joanne Paula Averion, Bombo International News Correspondent sa Thailand, back to normal eon ro tanan sa andang lugar. Balik eon man ro operasyon sa negosyo apang, ru ibang mga condo unit nga nag-angkon it matinding kahalitan hay padayon nga naga-bangon. Uwa eon man sigon it mga balita ukon paandam angot sa mga aftershocks.
Dugang pa ni Averion nga uwa it napabalita nga missing nga mga Pilipino sa Bangkok. Maayos eon sigon ro sitwasyon ag ro mga pumueuyo idto hay naga-pahaom sa andang paeaabuton nga Thai New Year, kaya ro mga tawo hay makabig nga naduea eon ro kueba ag kabaeaka sa nagtuhaw nga linog sa andang lugar.
