Kalibo, Aklan- Dismayado si Acting General Manager Atty. Ariel Gepty it Aklan Electric Cooperative, Inc. (AKELCO) bangud sa mga spaghetti wires apisar nga ginabutangan nanda it lugar ro mga telcos hay raya sigon hay gina-abuso.
Pahayag ni Sangguniang Bayan Member Ronald Marte nga ro AKELCO ro napapabangdan sa nasambitan nga isyu nga sa kamatuoran hay ro sa pinaka-ibabaw nga bahin ro anda nga wires.
May mga self-contractors sigon ro mga telcos apang nga uwa man gina-ayos ukon ginapabay-an ro wires. Nagadaea sigon raya it problema sa mga motorista ag nagiging rason it disgrasya.
Suno pa kay Marte nga irresponsible ro paghimo ag para eang gid sigon nga kumita apang sa makaron man paathag nana hay amat-amat eun man ro ginahimo nga tikang it mga telcos.
Bangud kara naghimo sanda it task force ag plano nga patawgon it uman ro mga telcos parte sa nasambitan nga isyu.
Nagpasa man imaw it resolusyon agud nga tun-an it AKELCO kun posible ro underground cable bilang bahin eun man it pag-umwad it banwa ag pagpahaom nga maging syudad sa paeaabuton.
Kinahang-ean eun man sigon nga planuhan ro banwa ag maghimo it maeaparan na road network, ag kun ano ro himuon nga pag-ayos.
Matandaan nga nagpahayag ro AKELCO nga indi eun makipagjoint-agreement sa mga telcos.
